close
終於來到和牛B 四個月大,返健康院做健康檢查及打2針了,今次又係打4合1針,同肺炎球菌針。同以往都係先登記,之後等叫名去磅重,度頭圍,今次同上次一樣係除衫,著條新片去磅重嘅,和牛B 好叻!今次有6.17kg~(重過上次1.7kg)。另外,今次無得度高架⋯而頭仔呢~今次41.1cm(大過上次2.6cm)
之後等嗌名見姑娘,姑娘讚和牛B體重增長好理想,而家係中碼BB。關於和牛B嘅濕疹,姑娘認為我地都係需要留意密d補濕,換一次片就順便搽一次cream,同跟之前我睇嘅西醫指示,搽藥膏(類固醇)。因為和牛B嘅左手係最嚴重, 面仔通常扭完計就特別紅。
見完姑娘等埋拎下一次嘅期, 就等最精彩嘅環節「打針」。
今次和牛B係第一次o係清醒狀態下俾人拮大脾!!! 陰公囉...
呢一次反而喊得仲大聲仲耐D....
之後要開返支奶奶俾佢飲先收到聲...
健康院今次同樣開左支退燒藥水, 需要時服。健康院係冇俾針筒/茶匙架, 如果需要記得同健康院職員講呀。
**呢2針係2nd 4合1(白喉、破傷風、無細胞型百日咳及滅活小兒麻獐痺混合疫苗) 及 2nd 肺炎球菌疫苗
上半場完結....
下半場就係去私家診所食輪狀口服疫苗。
大家記得, 食口服疫苗最好唔好食飽奶先去呀~~
不過...今次又係勁尷尬...因為唔熟路行..揸車行錯路, 氹左好耐...
搞到時間o岩o岩好..變左夠晒鐘食奶...所以和牛B去到診所又喊到拆天呀~~
入到診症室, 醫生見和牛B喊得咁勁, 所以都拿拿聲磅完重, 聽下心肺就俾疲苗和牛B食了~
食完再度頭圍, 高度~和牛B高左3cm~HAHA
最後, 又要o係診所食埋奶先返屋企了~~今日行程好緊密, 和牛B都顯得相當攰..
不過夜晚好扭計, 唔知係咪太清醒情況下被人拮大脾...
之前都唔會咁架....
半夜時份仲開始發燒...起初用濕毛巾抹下OK. 但去到5點唔得了...成38.4℃. 所以餵左佢食藥水, 好快就退左燒了
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
文章標籤
全站熱搜
留言列表