和牛B的成長日記

上一次睇左皮膚科專科醫生, 醫生話和牛B嘅濕疹好嚴重, 所以需要隔一星期返去診所到覆診。今次, 返去醫生都話好好多, 不過都話我地知「唔好開心住, 因為濕疹呢種皮膚病係好翻覆嘅。如果情況又差返, 就要再返黎架啦。

飽受濕疹煎熬7個月嘅和牛B, 之前睇過2個普通科醫生, 每次都係開左類固醇, 皮膚只係好到一陣。最近, 情況實在更加唔穩定, 而和牛B亦晚晚都因為皮膚痕癢半夜痕醒, 甚至乎要抱睡先可以瞓得冧。除左咁, 和牛B嘅皮膚已經抓到爛晒…我同老公、婆婆見到心都碎了…全身除左個肚dum之外, 其餘嘅皮膚都係爛架!

經朋友介紹下, 去了睇皮膚科醫生。醫生話, 和牛B屬於嚴重濕疹…醫生建議我地用Cetaphill RESTORADERM嘅潤膚露。奶方面, 如果可以盡量全人奶, 要補奶粉嘅話, 都介紹左一隻低敏配方奶粉俾我地S26 HA。

和牛B滿月至今, 已經一直被濕疹纏繞。之前已睇過幾個醫生, 得出結論都係話, 和牛B仲細免疫力系統仲未完全發育, 大D啦, 半歲之後會開始好D架啦。和牛B已經滿8個月大, 但係濕疹悵況依然係, 時好時壞。永遠往往皮膚紅敏、起粒粒同鞋十十嘅時間, 永遠係長過滑嘅時間。

近日天氣非常反覆, 時凍時熱…對於任何一個BB來講都係對皮膚、健康係一個極大考驗, 更何況和牛B係一個濕疹B…

濕疹真係一個非常普遍 & 令人感到討厭嘅皮膚問題, 一來BB會紅敏痕癢, 嚴重甚至乎會破損, 出水。二來媽媽見到BB咁係好心痛嘅!和牛B就飽受呢個問題一段時間, 和牛B滿月之後, 兩邊臉頰就開始出現粒粒, 我以為係暗瘡之類嘅野, 就嘗試用人奶搽, 拖延左大約一個星期, 臉頰明顯紅左…之後雙手摺位o個到都開始紅出現一撻撻一粒粒細細粒嘅野。見到咁, 於是我就帶左和牛BB去睇普通科嘅西醫。醫生話係濕疹, 於是開左類固醇俾和牛BB, 話試下搽幾日先, 早晚一次, 另外用下金銀花抹都冇得。咁試左2日已經有好轉, 我就停藥膏了。

上星期, 和牛B兩邊臉豬仔都出左D粒粒, 當時我都不以為然, 以為搽人奶都應該搞得掂, 仲諗住係普通野...