和牛B的成長日記

上一次睇左皮膚科專科醫生, 醫生話和牛B嘅濕疹好嚴重, 所以需要隔一星期返去診所到覆診。今次, 返去醫生都話好好多, 不過都話我地知「唔好開心住, 因為濕疹呢種皮膚病係好翻覆嘅。如果情況又差返, 就要再返黎架啦。

和牛B之前嘅濕疹明顯已經消退, 冇紅敏、冇鞋十十、冇起粒粒、少左痕癢。但仲有少少傷痕同傷口。今次醫生開左一d傷口藥膏俾我地, 佢話今次呢D係冇類固醇嘅。而之前如果已經搽左7日就要停2日類固醇藥膏。另外, 面仔都有另一隻新嘅藥膏俾我地, 不過都係唔可以用多於8日嘅。

除左以上嘅藥膏, 醫生再開左沖涼用嘅洗膏俾我地, 繼續沖涼都要搽。

今次, 我終於參與到睇醫生呢一Part, 所以我都有母乳方面嘅疑問。

我: BB有濕疹, 我餵母乳需唔需要戒口?

醫生: 除左魚之外。所有海鮮唔食得, 魚要留意返一定要食「咸水魚」。

我: 咁牛肉洗唔洗戒?

醫生: 唔需要

而醫生都有問我, 點解你唔全人奶呢? 我好尷尬地回應…醫生, 因為我唔夠貨, 所以我餵唔到全人奶。醫生建議, 如果奶粉方面要選低敏嘅配方奶粉, 會較為適合。

至於加固方面, 醫生亦有提及。要留意有些食物比較高敏, 要盡量避免;

BB歲半前要盡量避免進食 蕃茄、橙, 因為呢兩種食物比較容易出現敏感情況。如果真係想餵BB食生果, 食蘋果就一定冇事! 每一種食物, 最好試一星期先轉, 就最安全。當然, 如果食左一日即刻出現敏感情況, 咁就唔好再食。慢慢試, 唔好心急, 唔好一次過加幾種食材。

睇完醫生過左5日, 轉左藥性較輕嘅藥, 面部同身體嘅情況又開始轉差…真係好心痛…

湊B日記 – 睇皮膚科醫生 (斷症為：嚴重濕疹)

湊B日記- 濕疹是一個惡夢

湊B日記 – 心痛篇 - 轉天氣BB皮膚又痕到瞓唔著

湊B日記 – 針對濕疹BB嘅內衣

湊B日記 – 對付長期戰 - 濕疹

BB成長日記 - BB濕疹

 

 

 

 

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。