close
上篇分享咗喺「迪士尼探索家度假酒店」嘅好玩設施同埋3間酒店入面超充實嘅康樂活動。
今篇會介紹一下香港迪士尼樂園嘅「奇妙年年」新春活動，以及餐飲方面嘅分享。
和牛B係高飛迷，所以一定唔會錯過「財神高飛」見面活動。
財神高飛會喺會客室同大家見面，如果都想同高飛影相留念，就要留意返當日嘅見面時間。
美國小鎮大街都有唔少新春裝飾
場內演藝人員仲會拎住賀年影相道具俾遊客影相留念~
公主們必影嘅魔雪奇緣Elsa & Anna仲有Olaf，會喺夢想花園同大家見面。
但由於Elsa & Anna實在太多粉絲啦，如果想影一定要預早至少30分鐘去排隊呀!!
夜晚仲有一場賀年版嘅「We Love Mickey!大街投影盛演」
最近仲新開咗雪糕店~~有三種口味: 特濃朱古力、牛奶味、朱古力牛奶味(雙色)。每支$45
去到迪士尼樂園，當然要問演藝人員收集貼紙啦~
今次新年貼紙，一套4款，快啲儲齊佢啦~
當小揮春咁貼，都好靚呀!!
酒店餐飲
位於「迪士尼探索家度假酒店」仲有一間蛋糕店，好適合慶祝生日呢~蛋糕款式都好靚!!
而我哋今次酒店住宿，價錢係無包餐飲，所以當日我哋好多餐都係喺酒店到食。
享用唔到新優惠，其實淨係餐飲費都幾貴呢...
重提一次，最新【迪士尼酒店「食、住」歎優惠套票*】
香港居民只需於1月17日至2月13日預訂優惠套票，即可以低至港幣$1,190入住迪士尼荷里活酒店或香港迪士尼樂園酒店標準客房一晚* 盡享$300酒店餐飲消費額！
*入住日期為1月18日至3月31日，優惠受條款及細則約束
** 部份活動另需額外收費，日子詳情可向演藝人員查詢
較為平嘅餐飲選擇「星航圖咖啡廳」，我哋喺呢到食咗2餐 (晚餐及早餐)，係Food Court形式。先買後取，自己搵位嘅。
^ 晚餐餐牌
^ 兒童餐及雞翼
^ 早餐餐牌
^ 我哋點咗2份中式早餐
而星航圖咖啡廳亦有甜點、蛋糕出售，造型都好可愛。
「雲龍軒」自助餐
芊彩餐廳
「夢想家小店」係出售精美朱古力為主，好適合買手信、紀念品。
迪士尼探索家度假酒店入面嘅精品店，入面仲有探索家限定款嘅米奇及好友公仔出售。
^ 迪士尼探索家度假酒店先有嘅限定款式
^ 新春賀年風車頭箍
同日午餐，我哋去咗「香港迪士尼樂園酒店」入面嘅「昌荷軒」食中餐。
因為呢到最吸引嘅，就係有迪士尼人物造型點心，超可愛呀!
^ 和牛炒飯
^ 三眼仔菜肉包，不過略嫌太細，餡料唔多。
^ 點心拼盤
^ Duffy椰汁糕
第2食物生日晚餐，我哋先離開迪士尼。我哋選擇咗去位於迪士尼好萊塢酒店入面嘅「米奇廚師餐廳 Chef Mickey」
小朋友嘅甜點區，佈置得超可愛，好似生日會咁。
^ 好鍾意食自助餐嘅和牛B，因為鍾意食咩就拎咩。
呢到食物選擇都多，生、熟、甜品都多選擇。
^ 頭盤、沙律吧
^ 長腳蟹、龍蝦仔、蝦、青口等。
^ 飲品區，有凍飲另有熱飲
仲有一系列新春賀年主題嘅甜點
氣氛好好，仲有演藝人員拎住賀年影相道具，邀請影相留念。
當然唔少得有米奇或好友現身同食客影相留念啦~
今次仲坐咗個好位，米奇每次行出行入都經過我哋身邊~
分享返，今次我訂自助餐嘅優惠同攻略先。
如果本身有「奇妙處處通會員卡」，仲有會員生日優惠(即買2送1優惠)，白金卡會員再額外送生日蛋糕一個。
另外，於Openrice網上訂台仲可以儲25分飛行里數*。(非奇妙處處通會員嘅話，我覺得呢個小優惠都唔錯。)
*如果係奇妙處處通會員，兩個優惠只能任擇期一。(即係揀咗會員優惠，就唔可以揀Openrice訂台儲飛行里數嘅優惠。)
另外，迪士尼最近都做梗香港居民優惠「迪士尼朋友自助餐套票」。
鍾意食自助餐，又鍾意去迪士尼嘅香港居民讀者，可以去了解下詳情，再同屋企人/朋友計劃下去瘋狂拆幾餐啦~
【米奇廚師餐廳 Chef Mickey】
地址: 大嶼山香港迪士尼樂園迪士尼好萊塢酒店
電話: 35105000
Openrice訂台: https://bit.ly/2RjBtqt
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
文章標籤
全站熱搜
留言列表
