7/2返醫院做孕婦口服葡萄耐糖測試,即係傳說中嘅飲糖水,人云亦云個個都話政府醫院嘅糖水勁難飲! 會反胃同作嘔…所以我知道自己要驗o個陣,除左好淆底驚自己有妊娠糖尿之餘,就係好驚飲到嘔…
咁首先做呢個測試之前,前一晚凌晨12點之後就唔可以食野架喇,最多只可以飲水嘅啫,因為要空腹做呢個測試。
一早9:30去到醫院,首先就係要排隊登記,之後完全冇時間俾你淆底,就已經要伸隻手出黎俾人抽血…
抽完血就去拎傳說中o個支糖水喇!! 我有上網做定功課架~有D準媽媽話,只要你唔好急慢慢飲就唔會作嘔反胃架啦,如果你一條氣cher晒佢,好快就會嘔!!
咁所以…我拎到呢支糖水之後,搵左個靚位,慢慢嘆…
聞落去冇咩特別,只係似有D污濁嘅水XD 少少暖,飲落口冇野,到吞落去先覺得怪怪地,但係感覺都唔夠平時飲盒裝檸檬茶咁甜啦…而且唔係想像中咁難飲喎,我諗我足足飲左10分鐘先飲晒,我係嘆慢版咁飲,飲完勁飽…同埋覺得D甜有少少醃喉嚨。
飲完返返去拎糖水嘅登記處到,報返時,咁姑娘就話返我知幾多點要再去抽一次血(2小時),佢仲話唔好早唔好遲,總之就係要準時就得。
所以之後我就要呆坐2個鐘等再抽血喇…
話說…自從有次去做Body Check被人抽過一次勁痛嘅血之後…而家真心淆底…
點知2小時後,我再返去抽血…真係堅痛! 個姑娘話少少痛,忍住! 佢一落針o個下,我揀直想講粗口!! 到佢蚊返支針出黎我都仲覺得好痛好似拮住咁!! 仲勁大pad血!!同一日…2個姑娘幫我抽血,第2個嘅手勢好明顯冇第一個咁好…真係講彩數呀…為左阿女真係冇辦法…
另外~~媽媽的瘋狂又出現了~~
今日再去左掃左d衫仔同埋包被~~好抵呀呢到埋單只係三百蚊左右~~買o個刻好似唔駛錢一樣~
真係…對自己都冇咁豪爽囉…真係要努力啲搵錢先得喇~
~
9/2一早十點左右…收到一個晴天霹靂嘅電話…就係醫院call我…佢話我星期六空腹驗血糖正常,但係飲糖水後嘅血糖比正常高左dd…所以要求我黎梗返去醫院到做一個全日嘅檢查,要去一早8:30入院再抽血食佢三餐再篤手指驗血…唉…突然間好唔開心…因為更加r頭,唔知自己應該可以食啲咩可以令自己唔好咁高血糖…
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
留言列表