close
話說, 早排返左QE飲糖水, 隔幾日醫院就打電話黎CALL我嗌我返去醫院再作檢查...
去到當日, 其實都唔係檢查...係已經confirm話我地係妊娠糖尿...
以後嘅產檢都係直接見醫生, 而唔再係見助產士...
個感覺係好無奈...因為有左以來, 我真係勁少飲汽水、紙包飲品、甜品又冇食…糖呀朱古力都係好間中先食..都中招....點呀..
早知既然係咁...之前食夠晒佢啦XD
而當日, 要8:30AM空肚去醫院...話stay一日o係醫院, 要俾$150
點知床位都冇張...勁辛苦!! 成班媽媽就係食完...呆2個鐘(你可以出去行下)返黎篤手指驗血...
一直就係咁...由朝早8:30AM ~ 夜晚8:30PM
呢種感覺...真係寧願返工都唔想o係到!!
當日除左不停被餐後篤手指驗血之後, 仲有一次抽血.
呢一次抽血係話可以睇到我地一個月入面ge升糖指數...
仲話第時每個月都要抽一次...
咁...你想講大話都唔得啦, 一睇你D血就知你乖唔乖...
當日嘅rundown
一早被抽空腹血後, 就食早餐 - 有D好似肉碎嘅粥, 好淡, 但都食得到. 未至於會反胃, 但只係唔敢食晒, 因為驚..之後驗血超標! 餐後標準指數係..5-7.5度, 如果超過7.5度就係唔合格!!
食完早餐之後有個簡單講座, 講返妊娠糖尿係咩, 點解會有, 咩人會有, 要食D咩咁, 會對BB同你有咩影響...
同時間, 姑娘都要求我地黎梗需要維持兩星期自己乖乖篤手指驗血糖.
每星期做2日, 呢2日入面要做4次呢個動作...(空腹、早、午、晚三餐後2小時)
如果呢2個星期係合格唔超標, 就可以轉為一星期搵一日去做呢4次就可以啦..
咁做完係要寫低record返嘅..
.第一次品嚐醫院餐, 呢個午餐(正餐)...一打開真係感覺嘆為觀止...
見到都唔想食...全部食物只有原味...終於食得返原味!! 哈哈~成個餐, 應該最好味係舊魚同碗湯...我食左7成, 平時係飯桶嘅我...對住呢個飯, 我真係不敢恭維呀...
食唔晒...食左都唔知有冇一半..
食物個拳頭橙, 我諗我都係得7成飽...
講返個橙~個橙先正~好乾! HAHAHA 但叫做好過冇....
食完呢餐發又要發mo等2個鐘篤手指...個飯咁正...當然結果係唔超標啦, 係冇人會超標, 因為好多人都話難食跟住冇食晒...食好少就收口...
跟住去到晚飯前, 唔唔知點解又要再篤一次手指...
篤完先食飯...當大家都以為午餐好難食...
點知晚餐呢個先係終極難食!!
我諗我都食唔到一半...所以梗係又冇超標啦....
不過就剛剛夠飽囉....
如果要左血糖唔超標清減到咁...我諗我會擔心, 我唔會肥, 反而更加瘦...BB都唔知有冇營養, 生出黎o個時會唔會得返棚骨架??
以下呢部就係我新買嘅私伙驗糖尿機..可以俾大家參考下...QE醫院價$290, 永久保養
試紙有50條, 針有100支.
p.s當然唔希望大家需要買...真係好痛苦...要自殘一樣
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
