close
話咁快我就已經8個月，懷孕嘅後期，回想返我第一篇寫陀B日記o個時，我個B只係得幾週架咋，而家已經34週(即8個月多DD)，好唔捨得，好快阿B就會出世~!!! 呢段時間，自己學左好多知識，特別係懷孕上嘅小知識，而家好似個小專家咁，真係好似咋...唔係專家呀。以前從來都唔好學，一有左就報左好多course學好多野，突然間勁好學，一個大轉變。唔知係咪所有準媽係咪都係咁嘅呢? 之但係有樣野，我真係估自己唔到架，我本身一向唔鍾意小朋友，但係突然間心血來潮好想要個B，亦一直覺得自己係一個愛幻想嘅人，所以有BB之後肯定會有產前抑鬱，點知呢兩樣野我完全冇，變得鍾意小朋友，而家行出街見到人地D BB都會望，見到BB野會勁興奮，由有左到而家，冇咩點擔心過仲hyper過以前~個人仲反而開心左好多添呀~希望我生完之後keep住係好開心對住BB啦~耐性，最緊要!! 相信耐性都係我一個好需要學習嘅一項挑戰~
講返一D知識上嘅野先，網上見到所以同大家分享一下先~
媽媽身體變化(後期7~9個月)
- 胎盤日漸增大，壓著腸胃道，容易減慢腸道蠕動，增加便秘的情況(Touchwood我冇, 但就成日有食濟左嘅感覺)
- 手腳浮腫，腳部容易抽筋 (我一到夜晚就會變豬蹄...間中凌晨時份就會抽筋..有時唔好彩, 抽完左邊抽加邊...)
- 膀胱被胎兒頭部壓迫，容易有尿頻情況 (呢個我已經發生梗...成日都急...有時仲急得好突然!!)
Tips: 多飲用清水，少吃過咸過濃食物，以避免加劇水腫情況
飲食需知
<攝取重要營養素>
加強鐵質攝取
功用: 血液需求大增, 以應付分娩時所流失的血液
來源: 深色肉類、深綠色葉菜、乾豆類 (我諗即係食多D牛肉, 葉酸照食, 乾豆類我都唔sure係咩~)
補充足夠電解質 (如鎂及錳)
功用: 減少出現抽筋情況
來源: 深綠色的蔬菜類及豆莢類
繼續加強鈣質吸收
功用: 協助胎兒骨骼不斷形成
來源: 奶品類、乳酪、芝士等 (我記得有次聽講座, 西蘭花都有鈣質架, 不過相信要食勁多先有用)
提高DHA攝取
功用: DHA和AA是胎兒神經系統(包括腦部)的發展所需的脂肪酸，不能由人體自行製造，準媽媽應在此時特別補充
來源: 深海魚類: 如三文魚、沙甸魚、秋刀魚等
註: 避免選擇大型獵食魚類(因較易含有水銀等重金屬: 如劍魚、旗魚、鮫魚、吞拿魚等)
註: 避免選擇大型獵食魚類(因較易含有水銀等重金屬: 如劍魚、旗魚、鮫魚、吞拿魚等)
<避免攝取太多以下之食品>
- 進食或飲用含單寧酸的食品和飲品 (如柿、紅石榴、濃茶等)
- 胡亂採用藥物、營養補充品或坊間補品
- 避免盬分過高飲食
另外仲有一D產前運動同大家分享一下，大家不防都做下~唔好懶呀~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
