close
未嫁前係黃大仙人, 嫁後係「新」屯門人~
而決定生, 要去QE到生...
所以老公怕路途沿遠, 所以嗌我提早搬返出娘家到待產+坐月。
星期六晚姐夫好好咁帶住我一個GIP, 3袋野咁車左我出娘家~
第一晚都以為自己會勁唔慣架
但係唔會~我原來真係唔會有瞓唔慣生保床呢回事~
都係照舊半夜起身去一次廁所~
第二朝就同媽媽摷晒和牛B嘅衫仔、紗巾仔、毛巾要洗嘅衣服類都拎晒去洗~
滿滿嘅一大盤呀~個感覺好誇張呀~~
掠起D衫仔黎曬o個刻，個感覺好幸福~唔知點解~
可能細細件嘅關係~
另外, 回到娘家又有禮物收~
就係家姐早前o係Mother Care買左呢set Hello Kitty靚靚紗巾俾我~
大大條, 係包被黎架~
不過除左有禮物收之外, 深深感受到返娘家待產+坐月嘅好處~
因為我娘家本身兄弟姊妹多, 而2個家姐同姐夫都同媽媽一齊住, 所以人多好辦事~
就算夜晚生都唔駛驚~大把人陪我~日頭因為我有一個家姐嘅工作時間比較彈性~
加上媽媽係返part time, 所以日頭都會有人照顧到我~陪到我入院~完全唔駛擔心得自己唔知點~
除左唔駛憂入院冇人幫之外, 就係我未放產假嘅日子, 又有媽媽煮埋早餐~
唔駛餓住個肚咁返工~幾好呀~超幸福! 夜晚又有媽媽住家飯食....
返返去大月女o個時咁, 真係「世上只有媽媽好」大家一定要對媽媽好D呀!!
今日36週5了...個肚愈來愈重...
唔知點解...個感覺好強烈..我覺得和牛B隨時都會「衝出水世界」要出世咁...
anyway la~順其自然, 平常心平常心~
**已經好想好想放產假.......
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
