close
由陀B到而家, 我都好堅持話, 我要餵人奶!! 我要餵人奶!!
 
所以由佗B o個時就不停了解, 點樣上奶, 食咩會多奶水之類...
 
但係...由生完到而家...其實都幾灰...點解成日好似斷貨咁...得o個少少...
生完都成23日...係就係有D進步...不過我相信我嘅奶量, 我個女係唔會得到溫飽架...
所以有時見到人地可以揼到勁多包奶奶...多到話俾BB沖人奶浴...o個下我真係傷心到想喊出黎呀...呢D野係咪天生嘅呢?
 
而家奶量仍然唔多...所以夜晚&凌晨o個轉我就會餵奶粉, 飽肚D, 咁隔左一晚第二朝起身, 就會覺得個胸好硬, 好谷. 要擠奶/ 揼奶都會多少少...但之後就keep住唔覺得胸部有谷奶情況...所以認真懷疑, 日頭到底悠悠B食得夠唔夠ga...
 
惡露又未清...所以不停試好多食療...又想清左惡露. 之後朋友嗌我食木耳...
咁就連續好多日食木耳蒸雞!! 原來...木耳係就係清惡露(但我清唔到囉..) 但同時原來會收奶!!! O晒咀....即刻STOP!! 我寧願惡露未清...都唔想斷我奶路住啦...
因為和牛B鍾意飲人奶多d, 所以好希望自己俾到佢想要嘅佢
 
之後呢幾日再上網search, 有個網都幾多資料.
總括而言, 最簡單係~~飲多D水啦~!!!
 
媽媽有個陪月朋友, 就係話..總之每次BB啜完人奶後,  要即刻揼清d奶出黎, 咁身體先會識得造奶...但事實上都幾難做得到, 因為我機本上大部分時間, 都係我自己一個湊和牛B, 如果佢o個餐奶, 食完肯乖乖咁覺覺豬, 要揼奶絕對不成問題...但絕大部分時間佢都會扭返你幾粒鐘...扭到下一餐奶...所以...你話我應該點做好...
不過, 夜晚臨訓前, 真係最好揼清一次先訓, 咁第二朝就可以儲多次多量D嘅奶奶~
 
 
 
好想多D奶水, 每次和牛B食完奶都可以露出笑容呀~
 

呢次已經係好好, 揼到4oz! 好多時只有1.5oz...已經叫好叻!

Instagram: wagyubmami

 

            
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
arrow
arrow
    全站熱搜

    和牛媽媽 發表在 痞客邦 留言(0) 人氣()

    E-mail轉寄