close
和牛B開始大個, 扭計就隨之而來了...
 
又或者係我未了解佢嘅需要啦...
 
和牛B而家食奶時間都算幾穩定, 一般2-3小時就會喊, 要食一次奶
 
日頭我通常會埋身餵人奶佢食, 所以有時食得都幾密...有時1個鐘又想再食..
可能我太窮了...冇奶 酊半夜就慘了...試過佢食完一餐奶...扭左我6個鐘都唔瞓...又唔係肚餓, 又唔係便便、尿尿...又已經抱住"曖曖"梗...已經熄晒所有燈緊抱佢/ 行街街式曖曖都唔得, 配合輕拍, 摸摸眉心...
 
問左好多朋友, 有D嗌我日頭唔好俾佢瞓咁多, 咁夜晚咪好瞓D囉...咁我冇咁強迫BB做過呢件事...因為----> 和牛B好勁! 我屋企隻狗勁吠冇反應, 門鐘響都冇反應, 點都唔會醒
 
另外, 有朋友話, BB要瞓由得佢啦, 如果唔係第時佢大個會玩返你轉頭唔願瞓晏覺, 報復返你架~
聽到呢到...都真係幾驚...我唯有認命...HAHAHA做好媽媽呢份工罷啦..
 
經過個幾星期後, 我同我媽媽都開始適應, 我媽媽其實第二朝要返part time, 但佢而家都好主動..半夜如果和牛B喊, 都幫我手換片餵奶, 而我呢? 就係呢段時間揼/擠奶...幫和牛B儲定人奶, 暫時維持左幾日, 希望呢個模式, 令我增奶量啦. 而和牛B, 我地都決定唔好再去到佢喊到拆天先回應佢嘅訴求. 二人合作之下, 和牛B都明顯好合作, 食完奶通常掃完風就即刻瞓返, 但有個情況....通常會令佢醒晒...就係每次食完奶掃完風佢搏命喊咁用力開大...之後佢就會醒晒...
 
咁嘅情況...冇辦法...半夜嘛, 都要氹佢瞓, 所以我會攬住佢瞓, 佢瞓林就會放返床仔..不過半夜佢特別難瞓得林...唔知係咪冇安全感?
 
總括而言, 我而家嘅方法係...佢鍾意瞓就俾佢瞓, 睇住時間, 差唔多就Standby定, 如果冰奶要解凍, 就預先o係佢醒之前好Ready, 唔好搞到佢喊到聲都拆, 憫晒先俾佢, 佢食完奶眼仔碌碌唔想瞓, 就放佢o係大人床望住佢郁手郁腳, 直至佢想扭眼瞓為止就曖佢瞓...維持左幾日, 夜晚舒服左
 
而我上網睇過D文章, 都係講BB嘅睡眠, 同大家分享下 
 
 
你家寶寶為什麼不肯睡？一覺到亮就是睡眠好？看了你就懂了 
 
小知識：一分鐘氹掂B仔熟睡 
 
 
 

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
arrow
arrow
    全站熱搜
    台北和牛火鍋推薦

    和牛媽媽 發表在 痞客邦 留言(0) 人氣()

    E-mail轉寄