close
和牛B滿月當日咁o岩就要返健康院檢查, 今日健康院仲送左份禮物俾佢
真係慘..呢份禮物佢一定唔想要~
就係打第2次乙型肝炎針囉~!!
今日返到健康院都係磅重, 姑娘問下悠悠B嘅飲食情況、大小便情況之類
和牛B嘅進度好好, 今次返去已經有3.67公斤~即係有8lbs~
出世到而家剛剛一個月就重左2lbs~
姑娘問完之後又出返去等...等下一次約期, 同埋等打針!!
等左5~10分鐘就嗌和牛B個名了~注射房o係尾房...真係恐怖呀~
入到去問一問BB個全名, 之後就嗌我跟住圖指示, 露出和牛B嘅一對肉脾~!!
抹一抹消毒水...跟拮針落去啦!!!
拮落去第一秒...和牛B未有反應...到姑娘打D藥水落去..悠悠就"嗚...嘩~!!!"左兩秒...跟住靜返...但塊面已經變左紅蕃茄..老實講我o個下見到都想喊, 覺得好心痛...但見到和牛B D反應我好衰...我又好想笑...
打完針姑娘貼好紗布...我行出房3-4步...和牛B先至再喊多5秒...
哈哈, 整個打針過重都唔駛30秒...真係好快..
但好彩我個女都收得好快...希望再大個D都係咁乖就好啦...
打完針, 姑娘仲吩咐要坐返15分鐘睇下有冇咩問題先好走~
咁既然係咁...飲埋奶先走~~
touchwood 和牛B打完針冇異樣. 呢隻針亦唔會有副作用, 例如發燒
大家見到自己個寶貝俾人拮針...到底會唔會好似我咁衰...仲笑?
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
