和牛B的成長日記

加固係除左要BB學習自己吞、咀嚼固體食物之外, 訓練BB自己拎起水杯/奶樽飲水/奶都係一個重要環節。

我其實對於和牛B要學習自己飲水、拎起杯/奶樽飲水都唔覺得係一件容易嘅事黎。

和牛B第一隻學習杯, 係Richell嘅軟膠吸管雙耳嘅杯仔護協價$7X/PC。結果呢, 和牛B係唔識用個吸管~得淡笑呀~唯有擺下先啦, 總有一日佢係會識得飲嘅。

和牛B第二隻學習杯係一隻平價之選, 鴨咀杯~日本城$10/PC有交易~仲有兩隻色~不過唔好之處係, 冇蓋, 出街嘅話唔適合攜帶外出用。二黎係冇防溜功能, 如果一打翻就溜晒D水出黎…

重點係, 因為個鴨咀係硬膠, 和牛B又未識用…就不停用牙肉啃咬個咀, 終極都係吞唔切D水, 流晒出黎多過飲呀~

和牛B第三隻學習杯Nuk Hello Kitty杯杯(和牛B嘅姑媽買嘅, 所以我唔知咩價)。呢隻杯我覺得好好嘅係:1) 鴨咀部份係軟膠, BB學以慢慢適應。 2)防溜功能, BB吸啜鴨咀部分先有水出, 不用擔心打翻水杯時倒晒D水出黎 3) 有蓋, 方便攜帶出街 4) 內附一個防漏蓋, 唔飲/攜帶出街時, 可以蓋返個防漏蓋, 就真係萬無一失啦~ 5) 出水部分唔會過於太大量, 引致BB吞唔切而”瀆”親。

因為呢隻杯係防漏, 所以我決定放手~放開所有~俾和牛B自己摸索, 同隻杯做個朋友先~舔一舔~啜一啜~咁就識得用啦~

不過, 和牛B仲未識/夠力得拎起隻杯杯自己飲。但冇得急嘅, 等佢再大個D佢就會做得到~

 

 

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。