尋日抱住興奮開心期待嘅心情同老公去左BB CARE到上「陀B湊B無難度」。地點好易搵~
去到課室冇咩人~不過見到個環境已經好興奮~
因為每張櫈之間都擺左一個肥BB公仔~超搞笑~
我老公好快手就拎住左o係手上面~
再細心留意下, 原來個個位嘅肥BB公仔都唔同表情~有D都係嘟咀, 啜手指同埋笑架~
我o個個係啜手指嘅O咀樣~都好搞笑~
去到4點鐘左右準時開始~由林姑娘講解
1) 林姑娘講左好多芳間流傳嘅古老話~
例如話, 食蛇會生蛇皮, 食羊會發羊吊. 林姑娘話, 其實並無事實根據架~所以大家唔洗咁驚~~
2) 至於飲奶補鈣, 如果本身準媽媽一路飲開都冇問題, 其實可以照飲, 但如果準媽媽一向冇呢個飲奶習慣, 而又感到胃漲, 胃氣, 輕微肚瀉, 建議唔飲用其他代替品更好, 因為沒有必要令到自己o係孕期上面咁唔舒服
林姑娘建議: 孕媽媽可以飲芝麻豆漿, 或豆品, 同樣有鈣可以吸收得到架
3) 葉酸嘅重要性, 喺決定懷孕前, 女性要攝取葉酸大約一至三個月呢~
4) 破解不孕原因
同時亦有講解, 點解有D人會搞好耐都冇BB呢...原來係因為有以下嘅原因, 導致不孕問題....
所以男同女都要戒凍飲、生冷野呀~!!
5) 戒飲汽水
林姑娘亦有講到, 點解要戒飲汽水, 主要原因係因為汽水含有咖啡因, 有磷酸, 如果準媽媽懷孕期好努力補鈣都好, 其實磷酸係可以將鈣化解...亦即係話, 無論準媽媽點樣啪鈣片、飲牛奶都好, D鈣一樣會流失晒...而男士亦都唔好得斥, 如果狂飲汽水, 都會好快有骨質疏鬆架!! 真係唔係嚇你, 我都鍾意飲...所以要忍...> <
6) 使用包被原因
用包被原來係, 等BB瞓覺o個時可以保暖之餘, 包實BB等佢有安全感, 就無咁易扎醒啦~
7) 點樣運用包被呢~
呢個我都真係唔識, 林姑娘派左2款唔同嘅被, 一款係有帽仔, 一款係一塊大嘅紗巾,
當我學習完之後..對於我呢個新手準媽媽黎講有帽仔款方便同容易好多handle好多呢~
8) 生男生女, 有得話事?!
仲有呢樣好重要~~雖然我已經成爭, 都定左局~~不過都好想分享俾準備懷孕嘅靚太~
林姑娘話, 如果夫婦二人都係食肉獸, 就要齋戒一段時間先~因為主要原因係調節返個酸鹼度。
因為女性陰度係酸性嘅, 而精子係鹼性, 所以通常酸性太高就會殺精...
所以, 飲食好重要, 想生仔仔嘅話, 就要食多D菜, 少D肉一段時間
例如: 平時80%肉, 20%菜, 咁就要調轉80%菜, 20%肉
最後最後~~
如感謝esdlife搞呢個course, 仲要有free gift送俾BB, 多謝晒~~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
留言列表