close
12月頭同老公去左QE聽講座~
因為第一次做媽咪, 所以咩都唔識, 所以咩都想去知同去學~
今次演講係由QE入面嘅楊姑娘講解嘅~個姑娘都好風趣架~
講座內容主要講返, 孕婦會有咩身體變化, 例如: 作嘔作悶, 腰背痛之類... 有咩運動適合孕婦(舒緩抽筋、腰背痛等)。 以及講返點樣數胎動, 點為止生得, 同埋媽咪、BB走佬袋等等
1. 腰背痛
孕婦要留意坐姿, 坐立嘅時候腰部要挺直。站立嘅時做只要企直就可以, 唔駛係咁挺個肚出黎架~如果長期頂個肚出黎, 條腰嘅負擔就會好大架啦!!
舒緩運動:可以好似圖下的公仔咁, 盡量將背部曲起。舒緩陀B時,腰骨嘅壓力。
2. 孕婦要多做適合孕婦嘅運動
由於, QE主張孕婦自然分娩, 所以..姑娘再三叮囑我地日日做D小運動, 盡量令分娩過程更輕鬆更順利
a. 拉大脾筋: 用坐定定睇電視煲劇嘅時間做拉大脾筋運動, 方法好簡單, 類似呢個POSE
b. 防止夜晚小腿抽筋小運動 & 按摩抽筋腳
夜晚訓訓下覺賣老抽真係好慘...所以姑娘都建議我地抽返少少時間做返D運動盡量避免賣老抽&教老公點樣幫我地按摩鬆返條筋
減低抽筋法
:
: 
按摩方法: 由腳眼位開始輕輕力慢慢咁按上小腿
c. 會陰運動
呢個好重要!! 係要避免媽媽一D好尷尬嘅場面, 有D準媽媽可能有左BB未生, 打個乞嚏都會有尿滲問題...所以要勤做會陰運動, 令該部分肌肉更強健! 姑娘仲話, 就算未生嘅女性勤力做會陰運動, 到左五十歲之後, 都唔會咁易有尿滲問題架!!
做法: 好似平時急尿忍尿咁, 緊閉要尿尿o個個位, 要保持呼吸架, 做5秒左右, 每日做10次~
3. 數胎動
數胎動次數好緊要, 如果第一次懷孕一般冇咁快感受得到 (我而家17週都未感受到, 所以唔駛數住), 姑娘話8小時內BB要郁夠10次, 如果8小時入面BB都冇郁夠10次, 就一定要返醫院檢查, CHECK心跳等情序
4. 走佬袋 (媽媽與BB入院用品)
媽媽嘅:
- 身份證, 覆診咭及入院紙(QE適用, 請留意其他醫院是否需要)
- 產婦衛生巾 (特長款或者係有D專FOR產婦架)
- 日常用品 (例如: 毛巾、牙膏、牙刷、沐浴用品、廁紙、拖鞋) 由於我係政府醫院生, 所以我要準備呢D, 可能私家醫院唔駛, 不過都係建議問返醫院有冇提供就穩陣D
- 清洗會陰用品 (因為產婦剛生產完後, 會排出好多惡露, 所以要經常清潔, 如果唔係就會好唔衛生架啦..)
- 記得帶一套底衫底褲、面衫面褲去!! 因為....通常D 爸爸只會記得帶衫仔俾BB...
p.s如果都係去QE生嘅準媽媽要留意返, 千祈唔好拖個GIP去, 姑娘話我地個位好細架咋, 帶GIP去係唔會有位放架. 所以prefer大家用返旅行袋就得架啦~
BB嘅:
- 初生嬰兒尿片 (有P牌同H牌,但有聽聞過H牌會溜屎...唔知係咪真,大家research下)
- 棉花塊/濕紙巾
- 細毛巾/ 紗巾
- 嬰兒手套 (姑娘100%唔建議BB一出世就去剪,因為BB剛剛出世, 指甲同皮膚仲係痴埋, 雖然指甲會決, 但10個有10個人去剪, 10個BB都會流血! 所以大家係錫BB, 就要記住啦, 千祈唔好剪, 幫BB帶返對拳套, 以防BB抓傷自己啦! 等多排先好剪)
- BB衫仔
5. 生得啦~!!!
姑娘話, 點樣知自己生得呢, 咁其實有分幾種, 有D人會出血, 有D人就穿陽水, 陣痛
姑娘話, 陣痛會係好有規律嘅, 如果只係間歇幾個鐘突然一下, 就好可能係子宮練習梗分娩o個時嘅動作同運動。舉個例如果:1:30痛左一次, 2:30一次, 之後愈來愈密一次...咁就好可能係陣痛生得. 姑娘話...去到唔夠1分鐘痛一次...BB要出黎架啦!! 恭喜!!
聽到呢一到...即刻有少少淆底...HAHAHA
純粹分享, 希望冇講溜&幫到大家啦~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
