close
終於19週了~由第5週發現自己有喜到而家~~
腰圍...直達34"…我咁大個女都未試過條腰有3字頭...會唔會達到4字頭腰圍呢?!!
除左腰圍, 我嘅瞠重終於重左1lbs, 講真...懷孕初期因為我胃口唔好, 成日嘔心, 所以冇重反而仲比未懷孕前輕左幾磅...而家增左1lbs已經係好叻~!!
不過最近條腰又開始痛返...要勤力補鈣先得了!!
而家每一晚臨訓, 我都會將對手放喺肚到, 閉起雙眼, 感受一下入面有咩動靜~!!
點知...被我發現左「胎動」!!
第一次感覺我以為自己有幻覺~!! 個感覺好神奇, 突然有野頂一頂起我隻手~!!
再感受多一下, 就嗌老公黎feel下, 點知BB就唔再頂我~
可能BB怕醜~
自此, 我每一晚都咁樣感受一下~
BB喺前晚, 終於俾準爸感受到一下胎動~真係好開心~!!
有胎動後, 懷孕嘅感覺更加實在~!!!
**影張相紀念一下~~19週4日~
另外, 雖然終於見肚, 但係真係唔好祈望搭車會有人讓座!
我有一日放工時間搭西鐵, 企左好耐終於有人落車, 我見有位當然行快2步去坐, 點知快過一個阿嬸! 個阿嫂zap我仲要啤住我...其實o個下真係好氣憤!! 香港人..沒有愛心唔緊要, 點解要有呢種行為? 到我尋日搭地鐵, 我都冇打算坐架啦, 因為搭幾個站, 有個男人, 打量我個肚好多次, 但最尾都係繼續坐喺到, 我真係覺得好得意, 你打量黎做咩呢? 香港人嘅公民教育真係愈來愈差...以前都唔係咁, 係咪自從有智能手機之後, d人就愈來愈自私呢? 打機嘅打機, 煲劇嘅煲劇, 個城市愈來愈冷漠...真的要好好教育下一代!
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
