close
話咁快又黎到29週5日，今次去私家到做產檢。
經過過往經驗...今次臨上去之前, 我都係唔買個包食了!! (Booking 5:30pm)
點知...上到去驗尿...o個張糖尿試紙推至高峰!! 由黃色變到深藍綠色
不過...我對上一餐已經係1點鐘食晏，我當食到2點食足一個鐘, 到5:30pm 竟然都仲會變色...真係好懷疑私家診所o個張試紙~~到底係咪準?
因為我平時自己篤手指驗血, 我都係乖乖咁食米粉之類, 驗出黎最多係4度以內, 所以唔高ga wo...
如是者...姑娘見到我張試紙去到咁嘅色...都問左我好多問題~
頭先上黎有冇食野? 有冇糖尿? 有冇驗血做過化驗?
入到醫生房~醫生都有問, 我都照講...醫院到飲左糖水佢話我有妊娠糖尿, 咁醫生問返, 你飲完糖水之後係幾多度, 我話7.6~7.8左右....佢即刻笑左~
佢話..."你醫院都幾嚴格, 其實你呢個度數好平常, 唔算高, 嚴格黎講都唔算有妊娠糖尿, 不過唔緊要啦, 既然醫院話你有, 咁你唔好彩啦~你唯有乖乖地跟醫院做, 篤手指驗下血啦~"
真係超無奈...
之後就照超聲波睇BB啦~~
BB大隻左好多! 睇個畫面已經好難睇晒佢個形啦!!
醫生話, BB已經調左頭, 個頭落左去喇, 咁就背脊o係我右邊 (唔怪之後...成日右邊"銀"住我啦)
跟住, 當醫生又影住BB正面, BB又擘開口...點解我個口咁鍾意擘大口...對上一次又係咁
不過由於我係2D關係, 其實真係要加d幻想先想像到阿女個樣~
醫生話BB而家大約有3lbs, 係中碼BB。
照睇個size, 如果keep住保持住係咁, 到時生出黎有7lbs
聽到呢到, 我有少少擔心自己...
因為我咁細粒...生7lbs會唔會好吃力...但又冇理由因為咁...節食囉..
好唔人道同好殘忍
不過睇到BB有成長大隻到, 都好開心, 因為對上一次醫生話佢係中細碼黎架~
之後2~4星期左右再返私家到覆診
我嘅孕期話咁快去到尾聲啦...
好唔捨得.....
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
