close
雖然之前已經被esdlife獲邀影左一次免費大肚照架啦~
不過事後其實我有心郁郁~因為我當時好蜜實~所以冇影到肉照~~但我老公就話唔洗再影啦，一輯都好夠…但係…人生有幾多次咁大個肚先? 如果變左大肥婆…都唔會想影啦~
今次點解會再影…就係因為
我之前都有提及，我家有隻年12歲幾嘅長老兔兔(名:喜寶)，佢最近身體機能大大衰退...
由於生骨刺+髓間盤有事...而家佢已經近乎癱嘅情況...自己食唔到野，飲唔到水。上星期三, 獸醫叫我有定心理準備佢可能好快就會離開我...
為此…我好唔開心…因為我好想佢一直陪住我，好想佢睇到佢妹妹出世，於是突發奇想，一定要再影一輯大肚照+全家幅。因為我隻兔兔陪左我12年幾啦，可以話佢睇住我成長，同我一齊經歷左好多人生大小事，而我大肚有BB都係一件大件事，所以好想佢有份一齊經歷留低相片做個紀念!
於是，我就諗起興左一排嘅自拍相館，星期四即刻上網搵即刻Book，Book星期日都仲俾我Book到，真係超好彩呀，而且仲係歡迎寵物到場一同拍照!
我去左Phocus 聚焦點到影。佢有兩個唔同Location，我揀左去MK分店，MK呢個場有2間唔同主題嘅房，其實每間主題房，都有唔同顏色/背景可以俾我地轉，不過我Book晒2間主題房，但我地就冇轉背景畫布呀~都係用返佢地原先嘅主題佈置就覺得好夠了~~
你仲可以帶定SD Card去，直接影落你張卡入面就唔洗經佢地幫你轉返D相落USB入面~間房又冇閉路所以夠晒私隱度，但好可惜…我帶左2張SD CARD都唔係佢部相機嘅Size，所以要經佢地過返相去我隻USB到。好彩我有兩手準備je，仲要帶2隻USB。點知真係好彩我帶2隻USB，因為其中一隻佢話佢電話搵唔到~~唔係可能要俾錢燒碟lu~
佢嘅收費係人頭收費+房間，埋單$152 (1hrs)。有晒你自己影嘅所有相~包括o個D哈碌未ready ge相
如果要曬相，佢地都有提供呢個服務，不過我就冇要到，返去慢慢欣賞完再出去曬都得~另外就係，佢地仲有提供小道具，公仔，服裝添~我見到有醫生袍~韓服都有~不過唔換啦~~
如果要曬相，佢地都有提供呢個服務，不過我就冇要到，返去慢慢欣賞完再出去曬都得~另外就係，佢地仲有提供小道具，公仔，服裝添~我見到有醫生袍~韓服都有~不過唔換啦~~不過，擺pose方面，真係唔知有咩pose擺就真~但都OK la~~
所以大家都可以試下~~如果自己自拍影~~真係咩pose都擺得出XD
一家霸氣樣~~ROCK N ROLL~~哈哈~
係咪好霸氣呢XD
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
