close
話說一當我知道自己有左, 朋友叫我好即刻搽肚紋膏。
貪靚嘅我梗係乖乖地即刻晚晚都搽啦!!
點知...返娘家坐月太無聊成日拎起件衫玩肚皮, 我媽媽就發現到!!
佢話我知...我有妊娠紋!!! 我起初仲以為...係條大大條孕婦底褲壓出黎嘅痕...
誰不知...原來佢地係妊娠紋...OMG....
成個橙咁...HAHA
而我大佬上次就話...你而家個肚係一個油炸炸到漲卜卜嘅生根, 生完之後個肚就係一個浸左落水嘅巢皮生根~~超衰呀
不過冇計啦...唯有之後再買支勁D嘅收紋同firming cream la....戰績黎嘅, 同埋好彩我比較保守, 本身都好少著bikini, 唔怕嘅
今日38週1啦~體重再創高峰, 106磅! 我估仲會再重D~
因為真係...在家千日好, 做女好幸福, 放產假等生, 唔係食就瞓~真係會變豬豬~
去到孕期尾聲, 堅持左8-9個月冇食過雪糕啦, 老公黎娘家探我就買左雪糕上黎俾我安胎, 不過我都唔敢多吃, 只係食左2啖, 超超超好好味...食雪糕個感覺好幸福呀...
和牛BB要乖乖, 多留o係我個肚入面多幾天呀~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
全站熱搜
留言列表