close
5月10日清晨6點個肚勁痛...以為肚痛去左廁所...
正當我用力發左一下功, 我就感覺到有異物流出...
即刻望下係咩事!! 我見到有透明鼻涕狀+D啡啡地色嘅野!
o個刻慌張左2秒...之後就忍住痛同媽媽講...
媽咪, 我可能挨多一陣痛入醫院啦...因為見紅...
之後就慢條斯理咁沖涼洗頭....之後同老公講, 嗌佢準備下...
點知...我由清晨呆到中午兩點都冇陣痛過...
但去廁所仍然有D流啡, 淺淺嘅血紅...算啦, 入醫院睇下係咪生得...
去到QE B4產房, 佢地做左簡單檢查, 度下肚, 摸下肚, 磅下重..之後就嗌我去D2入院
去到D2...呆...每日有兩個探病時間, 中午12-1, 下午5-8
入左去一間四人房, 但係我包房一樣, 冇人同我同房...個感覺超似去左老人院..
入去咁耐我D動靜都冇...完成唔痛...直至到夜深訓覺...個肚好硬好實...勁痛...
痛得好緊要...就按救命鐘!
係一個後生姑娘, 問我咩事我話個肚好痛..佢都好禮貌問我了解...叫我如果有規律性35分鐘到一次, 你話我知..
好啦..持續左幾次之後!! 有個超惡, 好似好資深嘅姑娘超串問我, 你咩事GA! 我話肚痛, 咁點痛?邊到痛, 你要係由肚底痛到上黎上面先係! 講清楚D!
(心諗...我真係好痛囉...第一胎鬼知到底點樣痛, 我O個下都有D嬲...勁難受, 勁委屈)
之後又嗌我, 你持續15分鐘再痛一次, 先話我地!
好啦..如是者我成晚都冇覺訓, 勁痛...真係15分鐘有幾次...
之後又同佢講..佢再度乞人憎...你呢D有排啦. 你持續每3分鐘再講..
之後...我都繼續有少少嬲...又係你嗌我講..咁算, 成晚忍住D好似M痛肚實GE痛....痛下醒下...
5月11日訓到6點!!其實開始有少少3分鐘就痛, 但好輕微...
但訓唔到了, 之後清理完自己~埋返床就有姑娘黎檢查, o個個惡姑娘終於落左更~
我就同姑娘講返我尋晚痛嘅情況, 佢話我知之後會再痛D ,再頻密D, 由肚底痛到上黎, 那到實晒好似就黎爆咁, 所以我而家仲係好初段~要努力呀!
收到呢個姑娘咁貼心嘅分享同打氣, 同日我即刻去玩Fitball...!
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
