close
5月11日 - 得到熱心姑娘打氣, 我下午就好努力玩左35分鐘Fitball, 一路玩一路感覺到子宮加緊好力收縮放鬆, 繼續堅持un波~~
夜晚家人、朋友黎探我, 老公又買左杯細杯雪糕俾我食~超開心呀!! 但仍然好無奈...心煩到底幾時生...仲係冇feel, 醫院就話同我催生...
好無聊又過左一日, 去到夜晚11點...個肚好痛...之後我留意到係大約5分鐘一次...
持續到...11:55分...之後我諗住留意多一次!!
多一次我就按救命鐘!!
點知...等多2分鐘之後...突然間我Feel到下面有股熱流好似泉水咁湧出黎!!
超驚!! 即刻1秒1彈起身!!
企左落床...唔知點算...勁慌張按救命鐘同姑娘講....
之後姑娘嗌我換條M痛, 著坐件紫色手術袍, 著返條褲上床訓...等姑娘/DR檢查..
條褲點著...濕晒..?
之後姑娘同我check, 宮頸完全未開...
由於我有B型鏈球菌, 所以醫生到左就幫我打豆, 因為要打抗生素針...同催生針...
但我超唔好彩...佢狂話我血管幼(可能太緊張)...佢拮左我4次先打到豆...痛到想打人!!
之後拮左豆先嗌我執行李...勁痛囉!!
點解唔俾我執左先....之後執齊行李..個阿姐又嗌我著返條濕褲, 我再問, 點著? 濕晒架wo! 之後先俾條新GE我...
然後姑娘推輪椅我叫我坐...一坐..又泉水咁....勁驚囉...
凌晨大約1:00am (5月12日)上到產房...好緊要...因為仲溜梗水...
產房同TBB睇嘅好唔同, 好舒適咁...佢地幫我通知老公...
之後又訓上產床打針...頂! 之前打o個粒豆已經腫左瘀左同塞左...
姑娘見到我已經被打左4個窿, 深感抱歉...但都要打...咁我知...
我都開始煩躁...因為4次都痛到想打人...佢地再試左一次都唔得...
之後call左另一個專門少少黎幫我...終於第6次...成功...
姑娘話我和牛B心跳慢左, 可能我氧氣唔夠, 所以俾鼻喉我加多D氧氣, 同時教我用笑氣...
之後就落藥. 同幫我call老公....姑娘話打催生, 我大約8-10小時左右先生得到...我起初諗...
我老公會否第2朝先黎...點知唔知呆左幾耐, 姑娘就帶左我老公入黎!!!!
感動呀!! 我老公黎左冇幾耐...我就開始有D肚痛...係急屎嘅感覺!!!
原來陣痛係好似急屎唔柯得咁款!!!
超辛苦, 我未生得出嘅時候...keep住只有呢幾句話...
「我好急屎, 好想柯屎呀!! 救命呀! 點算呀!得未」
癲左...而D人就係嗌我, 放鬆, 你聞氣啦.
呢種感覺同呢句說話....直至去到下午...2點幾..我真係頂唔住..keep住問...幾多度...得未呀!!我想快D柯屎!!
之後, 姑娘再幫我, 因為...和牛B面朝左天, 之前嗌我打側訓都唔得, 用手幫左我幾次..
嗌我再忍一忍...
之後都係癲狂左....最後佢地話好啦..都可以俾你試下生...
老公初時都有陪住, 但佢全晚俾我大力Lin實隻手又冇得訓...面青青, D姑娘都嗌佢出去等, 怕佢暈..
而我一個人被至少10個醫護人員圍住陪住, 出左我諗10次力...生左了!!!
唔需要剪會陰, 只係爆左DD, 所以縫左1, 2針到啦
而整個過程, 我只係用左笑氣, 止痛針, 香薰。 我唔用無痛分娩, 係怕會生完對BB有影響je...
超開心, BB終於出黎了!!! 重2.89kg!! (6.3lbs左右)
老公話, 最終我應該係30 - 45分鐘生左
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
全站熱搜
留言列表
