和牛B的成長日記

最近睇到一D文章講新手父母湊B, 湊出過病黎, 所以我都想同大家一齊分享一下。

自認一向無咩力…托袋米都覺得好重嘅我…和牛B出世時3KG(6lbs)左右, OK嘅~我抱得到~不過隨住日子慢慢咁飛逝, 和牛B兩個月大返健康院磅重, 而家4KG (邁向10lbs)。其實佢一個月多D嘅時候, 抱住佢, 我都已經開始覺得好攰…覺得有D手痛…企得耐抱佢瞓條腰同「菠蘿蓋」都有D痛呀…所以湊BB嘅時候，一個唔留神父母係好容易引發各種痛症架，所以照顧好自己先至可以照顧好BB~~

1) 媽媽手

很多時因為要o係短時間入面不停重複一樣嘅動作，例如抱BB瞓、餵奶、幫BB沖涼洗頭, 呢D動作都會好容易引致有「媽媽手」架。「媽媽手」的痛楚主要起源於肌腱組織, 呢個痛症是肘關節外側有疼痛感, 大多因為湊BB時手腕關節使用不當或過度使用，使接受牽扯的力量超過平時肌肉可承受的程度。如果唔理佢讓病情發展下去, 手肘外側的肌腱會出現勞損、疼痛, 尤其是用力緊握、扭動東西如毛巾, 痛楚會加劇。所以唔想有媽媽手, 就要得閒嘅時候, 做以下嘅運動啦!

Remarks: 媽媽手呢個名嘅來源係因為: 好多患者都係懷孕中的準媽媽，或新手媽媽。

除了「媽媽手」之外, 椎間盤突出都係一個嚴重嘅問題, 好多時最易令父母受傷嘅就是抱BB或搬動BB車的姿勢。若抱起BB o個陣姿勢長期唔正確, 就會好易令頸部、腰部都經常做出彎曲嘅動作, 令背部肌肉常處於有方向性的收緊狀態, 加上腰部經常屈曲, 久而久之會令脊椎有累積性勞損, 會更易令椎間盤造成更多的擠壓同埋磨損, 咁樣會好易造成脊骨錯位, 増加造成椎間盤突出的機會。因此, 父母要盡量避免彎腰的動作。正確嘅姿勢，應該係屈曲膝蓋, 利用大腿的力量將BB抱起, 以減低扭傷及累積性勞損的情況。

當你站立或者坐低都有痛楚, 而簡單嘅動作如向前彎、側彎或扭腰等都會令背痛加劇，痛楚甚至會擴散至臀部、腿部或蔓延至腳部嘅話, 就已經係好大機會患上左椎間盤突出啦!! 如果係…千祈唔好拖, 快D去睇醫生!!

<湊B護脊小TIPS>

1. 湊BB o個陣嘗試將日常動作放慢, 要避免長時間保持同一樣的姿勢

2. 抱B o個應前後腳式蹲身屈曲膝蓋, 利用大腿的力量將BB抱起, 盡量減少彎腰的幅度, 保持腰背挺直。

3. 餵奶嘅時候，媽媽盡量不要坐o係太低的Sofa上, 唔好蹺腳坐, 從而減輕腰椎的負荷, 減少出現肌肉痠痛的問題。

4. 坐低時腰背要挺直緊靠椅背，必要時可放一個咕臣o係腰部，減輕壓力，唔好打側身坐。

5. 避免長時間久坐，應每四十五分鐘起身走動或做一些舒展運動，讓腰椎和頸椎得以放鬆。