和牛B的成長日記

正所謂養兒100歲, 長憂99, 對於BB保險到底重唔重要, 需唔需要買? 買, 應該買邊一種呢?

呢幾個問題, 其實我都困擾左一段時間, 因為一直都話, 我同我先生都唔係富裕人家, 生活費真係剛剛夠架咋~ 所以都掙扎左好耐買定唔買…但身邊朋友各有見解, 亦同我講要買, 一定要買, 有D就話唔買都OK!!

如果冇買到, 萬一悠悠B發高燒要入醫院, 想去私家嘅話就會好貴, 去政府醫院就會擔心驚設施不足等等嘅問題。

咁好好彩, 我身邊有個做保險嘅姐夫, 佢好客觀咁話我知如果我要買, 買邊一種最保障到悠悠B, 而又唔係貴嘅plan, 因為我呢D 師奶仔真係乜都唔識…數字其實我唔敏感, 但計婆乸數我就比較叻d..

好彩嘅係, 我姐夫係做保險, 佢都知我經濟上其實有難處嘅, 所以幫我度身設計左一個最so而又唔貴嘅plan「儲蓄+住院+意外」嘅BB保俾我, 而且每年都會派息, 派息嘅金額都好吸引! 重點係月供嘅錢, 一路去到悠悠B 15歲嘅時候就可以拎錢出黎用, 當教育基金都得, 而且筆款項真係好可觀。如果悠悠B 15歲o個時唔拎, o個舊錢就仲可以再滾大D。而唔係一般市面上較平, 齋做BB醫療保咁, 個個月拎錢供, 有事就可以Claim, 但係好好彩冇事唔需要用嘅話, 筆錢就好似齋俾, 冇著數, 錢就俾左冇回報咁囉。另外, 除左有儲蓄成份, 最基本都有包埋意外同住院嘅保障添。

我覺得住院有得Claim都真係好緊要, 始終有時入院如果靠政府醫院, 真係好擔心政府跟得唔夠足…入住私家醫院, 如果冇得Claim保險, 真係好金好那脷…所以真係要買個安心嘅。

至於, 教育基金都好緊要, 自己嘅孩子, 點都想俾最好嘅佢地。所以, 唔好貪平, 齋買得醫療保o個D, 買有埋儲蓄嘅都係多幾百, 但係未來條路會鋪得好D~

實質買左幾多錢, o係呢到唔多講, 如果大家真係想知, 我可以pm俾大家

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。