和牛B的成長日記

為求囡囡身體健康啲, 所以我一直堅持母乳, 現在已經三個多月。未生嘅時候醫院, 用左唔同嘅selling point去推崇母乳餵哺: BB健康d, 聰明d, 慳錢d, 出街輕便d, 媽媽寶寶關係close d。

會健康d我就好相信, 但係咪聰明d, 我唔敢肯定啦~至於慳錢呢個point, 悠悠B出世之後, 我其實對呢一點係有少少保留~出街輕便d, 其實會係ge~但由於我係會補奶粉, 所以出街都係孭住個超重背囊加架戰車~

至於返工就仍然係返工六寶 – 電奶泵、尿袋、奶樽、冰種、保溫袋、奶袋。所以同事成日都問我, 你個袋咁大嘅, 走難呀?

至於飲食方面, 其實媽媽要犧牲少少, 雞煲, 炸雞呢D真係要忍忍口。不過, 媽媽千祈唔好覺得因為咁唔開心, 因為大前提都係希望BB身體好。如果真係好想食, 唔緊要, 我都會咁樣嘅, 之後2餐奶, 我會泵出黎俾BB沖涼/整皂/整Cream, 咁就唔怕BB食左落肚之後, 肚仔痛啦~

母乳媽媽必備物品, 當然就係…

1.   電奶泵+尿袋(充電器)

之前朋友送左部Philips電單泵俾我, 不過…我覺得唔係太好用…同埋太多件要拆出黎洗, 好麻煩…而且比較嘈

後來同Chum Chum媽傾起, Chum Chum媽借左部優合俾我, 靜好多, 同埋個喇叭Fit Size好多呢!! 同埋泵得清d~

2.   儲奶用奶樽+奶袋+冰種/冰包+保溫袋
通常奶樽我會帶2個, 以防爆樽嘅可能, 不過以我嘅狀況都應該唔會多奶都咁~我嘅習慣係, 通常泵梗一邊, 發現另一邊開始滴奶嘅時候, 慳家嘅我一滴都唔好「Side」, 我會用一個吉奶樽用黎接住d滴奶嘅, 所以2隻手都好唔得閒~當泵夠之後我就會將d奶倒入奶袋。o係屋企就直接入雪櫃雪做冰奶, 如果o係公司我會先雪入冰格, 放工就會將冰奶連埋冰種/冰包放入保溫袋帶走。
 

3.   奶袋
奶袋方面, 其實我冇特別講究, 最重要係抵用, 但以我所知每個牌子嘅奶袋容量都唔同。不過我唔係富媽, 所以所有牌子我都一定o岩用~通常我都會上網買嘅, Facebook有D媽媽谷到買或者見過有Group Buyer有得買, Around都係$0.9~$1.2/個。