媽媽呢份工係無假期的－和牛B的成長日記

在職媽媽其實跟全職媽媽一樣，係沒有公眾假期、勞工假期、病假，總之就係冇假放嘅。

但係我依然好心甘命抵咁打一世呢份工，做好本份照顧好BB。

雖然冇假放，但係我依然好期待每一個星期五晚，因為我的全職媽媽工作就定左星期五晚放工後開始，去到星期一嘅朝早。

每個星期五都會返九龍嘅娘家食飽晚飯，就帶悠悠B返新界嘅屋企。所以一般我星期五返工前我都會準備好夜晚作戰準備~例如: 入定奶粉, 入定溫水入奶樽, 放好換片墊, 拎定所需尿片數量, 清潔棉等。夜晚回到家，通常也希望悠悠B能夠乖乖自己玩，再唔係會Set好Play Mat俾佢自己玩，而我就快手快腳沖涼~直至11:30pm餵夜奶，再哄悠悠B睡覺。而悠悠B日漸長大, 哄佢瞓覺都有不同方式, 會抱住佢行下行下唱住ABC歌, 拍下佢pat pat~有時真係要出絕招…就係埋身俾佢啜啜…就會極速瞓著, 但呢D非常手法我唔會成日用, 否則, 到時婆婆又會投訴架啦~~

悠悠B未戒夜奶，但有時好好彩，佢可以一覺瞓到6點先要喝奶。有時就要半夜起身換片片、餵奶嘅。之後又可以瞓到8點多，悠悠B又會醒，一般呢次醒，悠悠B都未瞓夠，所以還是喝點奶再睡，通常我會選了好危險的方式…埋身，打側身餵人奶，一起睡…這一次，睡夠悠悠B就會好滿足~之後就能每次都拍到好多張可愛的笑臉相~~呢一刻，心都甜了，幾辛苦都唔記得~而呢D笑臉相，就係我每次返工時，做到好苦悶…煩躁時看到後，個心會即刻甜一甜，開心番~

星期六、日都係全埋身餵人奶同埋Family Day去行街街~行街街前…嘅準備永遠都係我負責, 所以如果自己想扮靚靚出街, 媽媽就要犧牲一下休息時間。而去濕平洗錢~洗嘅都係洗晒去阿女到。而每次搵地方食野, 呢個都係一個難題, 你想食譚仔? 真係唔洗諗, 因為唔係幾方便~太迫太窄啦~好危險架! 所以每次都要搵D好坐d, 方便泊BB車嘅地方食野。又或者突如其來…悠悠B肚餓/換片片…就要馬上放低手上嘅野~即刻去育嬰室搞左先~