和牛B的成長日記

當我陀住和牛B嘅時候, 我最緊張嘅事除左係健唔健康, 健唔健全之外, 就係和牛B多唔多頭髮啦~~我頭髮好濃, 老公就一般啦。所以懷孕期間, 我有努力過多吃芝麻糊, 黑豆漿嘅~

結果和牛B出世, 都有D頭髮, 但唔係話好多~點知大大下, 和牛B個頭撐下撐下撐大左~仲變得愈來愈稀疏添~~真係好緊張~~因為我好想佢快D有頭髮可以扎辮仔。

不過, 原來BB頭髮多與少, 其實係o係胎兒時期母體荷爾蒙及基因遺傳並無關係。而係當BB出世後，頭髮生長係取決於BB自己嘅荷爾蒙。

六個月大進入休止期

BB出生時，後頸有大量粗糙嘅頭髮，好似馬嘅毛髮咁，又或者全身上下都很多黑色嘅毛毛, 但係唔駛驚嘅, 因為隨著BB嘅成長，呢D黑毛毛係會甩嘅。

BB多毛係因為在胎兒階段受到媽媽嘅荷爾蒙影響所致，出世後沒再接收媽媽的荷爾蒙，所以頭髮就停止成長，到六個月大時更會進入休止期，大量掉髮。

頭髮猛長期快速生長

休止期結束後，通常會進入頭髮猛長期，但新長出來的頭髮未必與初生時的頭髮一樣，頭髮的軟硬度、顏色都受荷爾蒙影響而轉變，很有可能由粗變軟、由深變淺、由曲變直……

頭髮猛長期一般在休止期後發生，但也有些BB到兩三歲先發生呢個轉變，所以即使BB現在髮量少，其實都唔需要擔心!

呵護BB頭髮小貼士

．幫寶寶洗頭時必須要輕輕力,好溫柔, 如果太大力或快速地按摩頭皮，會對毛囊造成壓力，加快頭髮脫落或破損。
．使用軟毛刷或寬齒的梳為寶寶梳頭，以免打結或拉傷BB嘅頭皮。
．幫BB綁頭髮時，別扯得太緊，以免傷害頭皮及頭髮。

資料來源：
http://www.whattoexpect.com/first-year/ask-heidi/newborn-hair.aspx

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。