和牛B的成長日記

好多時候, 男人都會認為換片、餵奶、換衫、沖涼, 梗係做阿媽o個個做晒架啦, 咁就大錯特錯。小朋友好簡單, 其實呢D都係野, 全部都係一D好溫韾不容忽視嘅親子活動。

和牛B出世之前, 我都有去上堂學沖涼同換片, 當時老公係同我講”你同外母去啦, 你地湊BB, 你地需要識多D, 所以我唔去啦” 一句...就拋開左呢個責任。不過, 天意弄人, o個時和牛B因為黃膽返左入醫院照燈, 換片餵奶時間又巧遇我要去上人奶嘅班, 所以我行開左。姑娘就教我老公餵奶、換片。自此, 老公都一此愛上左換片

雖然, 換片看上去係苦差, 但其實係一段良好親子關係嘅建立時間黎架。連屎片都肯換呢一點, 我真係覺得我老公好抵讚!好抵錫! 我直言, 悠悠B鍾意爸爸換片多過我。可能老公驚自己大力, 所以好溫柔, 輕手輕腳, 又會同佢好溫柔咁傾住計咁換。所以, 和牛B都會好快冷靜落黎, 好留心聽住爸爸說話, 仲贈送甜到溜嘅笑容俾爸爸。

亦因為我老公肯做, 我都見得到, 和牛B會好跟老公, 好鍾意佢, 就算平日返工日子, 老公隔一兩日先去娘家探和牛B。和牛B都會一樣好開心對住佢笑, 唔會話唔睬佢。所以, 忍住少少臭, 其實都值嘅~

自從生完, 我都好少做家務了, 一至五一放工就返娘家探和牛B。星期六日湊住悠悠B乜時間都冇晒XD 所以, 都好多謝老公好乖咁手洗和牛B嘅衫。佢話洗衣機污糟, 所以佢呢方面好有要求, 所以佢全手洗啦~好安慰, 我老公有要求, 亦幸落手落腳去做。

其實爸爸肯做, 亦係幫輕到媽媽好多架。

做一個全能嘅爸爸, 餵奶、換片~當然唔少得BB嘅私人人肉跳樓機~每次咁樣花DD時間, 總好過用物質支配BB。如果用物質佢令BB鍾意自己, 其實咁會令扭曲左BB對價值觀嘅睇法。

各位爸爸, 加油呀! 同太太一齊落手落腳照顧BB, 得到嘅回報係幾多錢都買唔到~

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。