話咁快和牛B就5個月大了, 咁o岩呢段時間Aeon & 一田又搞梗嬰兒用品展。反正遲早都係要買, 所以就趁住有優惠時去入左貨先~
食具方面, 其實最初我一直都好唔明白, 點解而家出好多種碗都係吸盤底, 而且價錢仲唔平, 要成舊水一隻碗。最近, 我終於明白, 為方便。就係唔想BB o係初期學習過程中, 成日打翻個碗要清潔je。最初, 我都打算堅持用返普通碗就算~不過, 對於呢個想法, 我近期有少少改變, 因為和牛B住o係婆婆家嘅時間長d, 所以為左想幫輕一下婆婆, 我就決定左買吸盤底嘅碗仔。
牌子方面 - 之前大型BB展(會展)入面某大牌子嘅奶粉商都會用minimoto ge食具套裝以贈品方式送俾客人, 而且已經唔係第一年,選用呢個牌子。照咁睇, 似乎呢個牌子都係有品質, 可信, 有信譽嘅。一Set一個碗+匙+叉$59 (抵), 現場俾我試過佢嘅吸力, 都幾夠力。我睇過其他牌子, 冇實物俾我試…而且通常都係分開買冇一Set嘅, 而且有好多種Size, 有D細到離晒譜…haha~價錢方面一隻碗都要$6X ~$1XX不等。所以我就買定左一Set minimoto遲D試下先。
除左食具之外, 仲有一D用具就係用黎磨碎食物嘅。又係有好多個唔同牌子, Combi 都有2set唔同, Piegon都有。
不過我最後都係揀左最經濟實惠嘅呢一款。O係Aeon買, 有9折+會員再折, 折實價只係$70蚊。
<詳細配件>
1. 研磨器
2. 榨汁器
3. 搗物杯
4. 濾網
5. 杯蓋
6. 搗碎器&匙
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
留言列表