和牛B的成長日記

上篇講到, 一家三口去廸士尼。其實總結都係, 呢個咁奇幻嘅旅程, 都係瞓覺、食奶、換片中渡過嘅~接著, 第二日又拎住免費飛帶住和牛B去海洋公園玩了~今次可以早D入場~1點半就入得場了, 天公造美, 冇咁曬, 但係就話間中會有驟雨。但係唔理了~~衝呀~~

今次和牛B比起尋日去廸士尼明顯精神爽利好多~可能冇咁熱同埋曬呀~但係有了尋日嘅經驗, 今日嘅裝備更加齊全~

1.   濕毛巾+盒

2.   衫&褲仔

3.   風扇x2 (差足電)

4.   帽仔

5.   遮

6.   外套

7.   蚊貼 (真係好緊要, BB仲細唔可以噴蚊怕水, 所以建議著長衫長褲, 我咁大個人又惹蚊..一落車就被蚊咬左了…)

*Hip Seat冇帶, 因為夾到實一實, 仲熱…

但係我地就係冇拎到BB車雨擋…

去海洋公園最開心就係好多動物睇~而今次仲有「鬼」睇~日光日白都會撞鬼~有爛面鬼, 紙札公仔, 黑白無常 etc. 真係好多鬼!! 好型添呀!! 和牛B完全冇反應, 繼續專心食手指~

海洋公園, 其實真係好適合一家大細去, 因為可以教育小朋友愛護環境同動物。俾小朋友知道呢個地球村除左有人類之外, 其實仲有好多動物, 今次帶住和牛B, 我都有介紹佢知有D咩動物, 雖然睇唔晒咁多個館嘅動物~~但係見到佢對事物嘅好奇心, 我都感到好興奮, 和牛B見到企鵝特別好奇~佢望到隻企鵝實一實~

好唔好彩, 隔著落雨…由於我只有遮, 冇帶BB車雨擋, 所以後期趁D雨細少少就馬上趕路落返山了。點知行行下大雨左…瞓o係BB車嘅和牛B~雙腳係突出黎嘅, 淋到少少雨, 仲o係到玩腳趾~~撐開晒D腳趾~真係笑死你~落到山, 勁好天, 一滴雨都冇~

之後行下商店涼下冷氣, 再去埋育嬰室換片片就走lu~~

育嬰室設備方面, 海洋公園設有21個育嬰室, 有一個係家庭廁所, 當中部份有d育嬰室係同殘廁混埋一齊嘅。我去左其中一個, 我覺得都幾好, 冷氣足夠, 空間都大架, 泊到BB車仲可以企多4-5個家人~仲有一張梳化仔。

最開心, 當然係和牛B嘅戰利品啦~~一隻識郁嘅機械熊貓仔, 同樹熊頸枕+抱枕

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。