和牛B的成長日記

BB生長速度真係好快, 成日睇返初初出世嘅相好似冇幾耐咁, 但係個樣已經唔同左好多, 佢地大得真係好快! 最近, 7個半月大嘅和牛B, 已經出左一隻牙仔!!

所以, 最近和牛B除左夜晚會比以前更醒瞓同扭計之外, 其他冇咩分別。皮膚依然係濕疹, 乾燥同痕癢。扭計其實已經唔係d咩問題, 因為小朋友扭下計我覺得好正常, 只係半夜勁扭, 媽媽我真係會發癲~ 最令我煩惱, 永遠都係濕疹呢個皮膚問題!

講返隻牙仔先, 其實和牛B到口腔探索期, 已經好鍾意佢D手指仔, 成日都食私家手指餅~每次去到任何嘅BB gathering~都成為大家嘅焦點, 因為…其他BB都會四圍爬, 四圍摸, 同摸索其他BB, 但係和牛B就永遠都係坐o係到啜手指~

直至最近, 情況都幾犀利, 牙膠唔鍾意咬, 手指就最鍾意, 手指公已經食到有少少起繭。但係, 冇辦法, 真係阻止唔到。

你地冇睇錯, 張相係見唔到牙仔ga~因為影相時牙仔出得好少, 所以我影極都影唔到~

而最近, 終於都知點解佢咁鍾意食, 不停食, 無論身處何地, 佢都要食手指。原因係因為佢出左一隻牙仔, 所以牙肉痕。出牙仔, 其實我都有以下擔心嘅野;

1.   夜奶後瞓著, 會引致蛀牙。健康院建議BB夜奶後要清潔口腔先入睡, 但係, 鬼唔知阿媽係女人咩…但係BB瞓著左, 真心怕清潔口腔會整醒佢地…

2.   埋身食奶會咬到nipple (已經咬左我幾次!! 救命…和牛B向我私酷刑)

不過, 講到尾我最驚都係佢蛀牙, 如果我真係好怕佢咬到我nipple我唯一可以揀就係泵出黎俾佢。不過, 埋身又真係好Close ge, 我會盡量堅持落去嘅~

阿媽贏在爸爸嘅起跑線, 就係因為媽媽有得埋身同有鮮奶供應。

和牛B：識食(手指), 一定係咁樣食

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。