和牛B的成長日記

o係和牛B 4個月大時, 我媽媽曾同我提出請辭唔再照顧和牛B。原因係佢想回到職場, 二來係佢希望我能夠陪住和牛B成長。所以, 前陣子我跟老公都好掙扎, 我都好想陪住和牛B成長, 但我同時好擔心經濟問題。幸好, 經過一段時間後, 我媽媽改變了想法。因為和牛B實在太可愛, 好識氹人歡喜, 試問婆婆又點會捨得和牛B呢?

o係呢到我真心係萬分感激我媽媽, 佢以前辛苦湊大我及我哥哥姐姐, 到而家想要D自由返到職場上, 但又因為我嘅關係, 而放棄佢份工代我擔任照顧BB嘅角色。好老實講要照顧一個初生BB真的是一件非常辛苦的事! 媽咪, 多謝你! 我會教導和牛B要好好愛錫婆婆。

之前亦曾提及過, 平日一至五悠悠B都會住o係婆婆家。而我每逄星期五晚先會湊和牛B返我屋企, 直至星期一早上返工前, 先至送返去婆婆家。而我每日都會等到頸都長…生完和牛B一返返工之後每日都會牽腸掛肚。有時我媽媽會whatsapp俾我睇和牛B嘅實況, 和牛B係幾咁梳乎~幾咁賺爆個手機畫面。每次見到呢D相, 無論工作幾咁挫折同燥爆都會即刻陰陰咀笑一笑, o個刻真係好想即刻收工飛返娘家攬住和牛B。

而我放完產假後, 我媽媽差唔多每日都會拍一張和牛B萌照俾我睇, 仲會報告一下：和牛B剛剛洗澡, 剛剛便便…甚至乎…捉了蟲蟲媽媽都影給我看。(蟲蟲亦即是鼻屎)

當然, 我幾咁想睇, 我都忍住冇出聲, 冇要求~因為我唔敢俾太多壓力我媽咪, 亦唔想麻煩佢太多, 所以我每日只有等…等…等。有時, 是一天都沒有照片的…咁我唯有等放工即刻飛去娘家啦~

除左每天看到和牛B長大之外, 都看到我媽咪嘅攝影技術係有微微進步。對於一個老人家來說, 懂得用手機拍照已經好值得讚賞~

不過, 有一次真的感到很驚嚇及嘔心~話說, 悠悠B幾天沒有便便…終於早上有便便了…於是婆婆將這個喜訊告知我, 同時「有圖有真相」。但…當時我正準備享用豐富早餐…嗯! 頓時沒有胃口, 並感到想嘔~睇到顏色已經即刻聯想到陣味~

想慳D錢唔食飯, 就不如睇下張相啦~ 打左格仔會唔會好D?

婆婆真係好有心機湊大和牛B~

下圖(左)係和牛B得2個月大嘅時候影, (右)係4個月大嘅時候影~你睇下~

和牛B大隻左幾多~~睇落去, 和牛B應該好揪得下

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。