和牛B的成長日記

上一代父母會形容BB嘅肢體動作的發展過程為「三仆、六坐、九扶籬」。意思係三個月識得仆轉趴o係到, 6個月識自己坐起身, 而第9個月就會識得奉扶住站立。咁爬, 就唔係個個BB都必經嘅, 如果會爬就會o係第7、8個月有呢個舉動, 第10個月會開始識行。

和牛B已經5個月大, 不過對於自己反身, 佢未識。只係會扭下左擰下右咁~我知道同齡BB已經識, 不過唔緊要, 每個小朋友嘅成長發展都唔同。多d幫佢練習, 佢終有一日會靠自己嘅力來一個華麗轉身嘅。

而趴, 都要睇悠悠B狀態, 通常一瞓醒會好力水d~但係支撐時間仍然需要俾佢練習, 要加強一下肌肉訓練。

至於坐, 我就冇買到坊間嘅o個種吹汽BB sofa。因為我覺得到佢識坐一定唔會坐呢張野, 唔知坐到幾多次…所以冇買到~反而係最原始, 每日抽dd時間, 放佢坐o係sofa, 旁邊放d 咕臣, 睇住佢。坐時佢腰仔冇咩力, 好快就會坐到斜晒~俾d耐性, 經過一段日子之後, 和牛B開始叻左, 會踢腳仔, 郁手仔~昨天, 明顯進步得多, 自己坐得到~~

和牛B未識爬未識坐到叻叻豬, 但就已經鍾意企…好鍾意我地抱起佢腳仔踩住平地嘅感覺。

不過, 都係o個句啦~我唔望佢係神童, 只係希望佢健健康康, 快快樂樂咁成長就夠了。有好多野, 冇得急, 亦急唔黎, 而且每個bb發展速度都唔同, 做父母嘅千祈千祈唔可以將自己個bb去同其他bb比較, 因為係2個人黎, 根本冇得比!! 唔可以因為bb發展得慢, 而話佢蠢, 同埋冇用呀!! 如果我聽到有人咁樣話和牛B, 我諗我一定會鬧佢!! 

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。