和牛B的成長日記

唔知有幾多個媽媽好似我咁, 極度之恨有大量同BB嘅溫韾、慈母照呢?

我本身好鍾意影相, 以前未生和牛B之前, 電話入面最多嘅相除左係自己o個d極度自戀嘅自拍照之外, 就係一堆美食相, 影天空嘅雜相。

生完之後, 瘋狂指數可以話係進入走火入魔嘅情況。電話入面, 每一日影嘅相數以百計…入面同和牛B嘅合照, 永遠就只有自拍…有時, 要求老公幫我影, 佢又好似覺得我麻鬼煩…亦影唔到我要嘅效果, 成日影到我又肥又矮…頭大身細、仲次仲衰!! 影到我成個大媽咁, 仲放上Facebook tag我!! 喂!! 唔該你去報返個course, 改進一下你嘅拍攝技巧!! 有時, 我好想有D好自然嘅溫韾親子合照…佢永遠唔會幫我影…就算我開聲…佢都係hea我!!!

但係佢就勁多同和牛B嘅溫韾互動照!! 真係諗起都嬲嬲地!! 直情係呷醋到著左燈, 唔係因為想影阿女, 真係唔鬼佢地影呀~~~有時, 我鬥氣唔影, 老公仲嗌我幫佢影!!!

我諗, 咁耐以黎, 我同和牛B嘅溫情、自然得黎又真情流露嘅照片, 都只係得3張! 仲要3張都係拎住奶樽餵梗奶…仲要呢d相, 唔係我老公影! 我老公會覺得, 食奶都好影, 日日都食奶架啦, 影黎做乜, 但以一個媽媽黎講, 呢一個moment係好溫韾甜蜜, 同埋餵奶俾你餵幾多年? 頂到盡俾你餵2-3年咋…應該錯, 因為佢地大D識自己拎奶樽, 已經唔駛媽媽抱住餵奶架啦~咁…你話係咪好珍貴?

總結：一個識影相、鍾意影相嘅老公, 其實都好緊要~

和牛B: 唔該~影得我靚d~

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。