和牛B的成長日記

由陀B到到生B, 時間過得好快…轉眼間原來BB都已經100日了!

諗黎諗去, 都覺得呢100日經歷嘅所有事, 好似係尋日一樣。

半夜不停扭, 吃飽奶又唔願瞓只有放聲大哭..令到身為媽媽的我, 非常眼瞓但又不能瞓…心情變得煩躁!! 愛睡的我, 自從悠悠B出世, 能夠有6小時睡眠時間已經很感恩! 現在呢? 悠悠B雖然還未戒夜奶, 最多只會喝一次夜奶便乖乖再睡。再睇返出世到而家嘅相, 悠悠B一出世同而家, 不經不覺Size, 體重都真係已經爭好遠啦~~特別係個頭仔~大個左好多~連個樣都有少少唔同左~把聲都已經唔再係蘇蝦聲了~力氣變得更大~而唯一冇變就係, 就係依然表情多多, 氹得全家人都好開心~如果公公仲在生就好了, 可以睇到悠悠B咁鬼馬~

除左見證到悠悠B 100天嘅快樂成長之外, 我都好想拍下自己心口好自豪咁讚下自己, 就係我餵母乳都餵了100天。其實我自己都估唔到自己可以堅持得到, 因為我相當為食, 陀B o個時我都有戒口, 但冇戒得咁犀利, 生左悠悠B出黎餵人奶, 對食物要求反而唔同左, 油炸嘅辣嘅, 我都唔食。就算食左, o個餐奶都會轉化為沖涼奶~但…為求個女食多幾餐人奶, 所以我已經好耐冇破戒。對於餵母乳, Meet到第一個target 3個月&100天, 我嘅目標又提高左, 今次Set 餵到悠悠B 6個月大, 如果我堅持到, 我會推到9個月大…再忍得住, 我會Set到終極餵到悠悠B 1歲大! 總之就係, 希望悠悠B健健康康! 快快樂樂! 呢一樣野就係我同老公最想悠悠B擁有嘅。

最後就係, 估唔到返左工成個月, 仲有禮物收~多謝老闆送俾悠悠B嘅100日大利是~

百日宴, 我同老公商量過後, 最終決定2家人坐埋一齊食餐飯就算了。

因為唔想悠悠B仲細, 而且手上嘅濕疹都仲未好, 所以唔想被好多人抱黎抱去, 同埋掂到, 始終都怕多菌。下一篇, 會講下悠悠B嘅百日宴。

--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁

Instagram: wagyubmami

 

            
--------------------------------------------------

姊妹合作**Precious M accessories**

利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。