和牛B的成長日記

隨著人生嘅階段不斷提升, 身邊嘅朋友都一齊開始成為人妻, 最近先後咁成為媽媽。所以聚會由最初嘅美女吹水飯局, 榮升至靚太俱樂部, 最近亦變為BB聚會 – mini playgroup。

而悠悠B今次係第二次同同年嘅羊BB見面~第一次見羊BB姐姐嘅時候, 悠悠B仲係一舊飯~~瞓覺大過天~

今次再見, 羊BB姐姐已經識得坐, 識爬識拎野玩了~~羊BB姐姐已經8個月大~另外, 仲有就係羊BB弟弟~快將1個月大~瞓覺大過天~你有你地傾, 我有我瞓~唔好搞到我就得架啦~~嘻嘻~~

見到3個小朋友, 雖然仲係講梗外星BB話, 但係個感覺好得意~好幸福, 好滾動~

暫時大家都o係到互相摸索~互相學習。當然, 我覺得自己暫時有種著數嘅感覺~因為悠悠B細過羊BB姐姐3個月, 所以悠悠B係可以向姐姐學習~悠悠B見到姐姐爬都眼定定望住~姐姐靈活嘅身手~悠悠B應該記o係心入面, 等待時機爆發出黎~

但有樣野就係, 如果我唔帶悠悠B去見下同年嘅BB, 我都唔知道原來悠悠B有咩地方需要改進一下~就係…最近奶奶送左個兔仔發聲波波俾悠悠B…只要用手拍下踢下就會有咇咇聲…平時我地都覺得冇咩野, 覺得好得意…但我發現悠悠B因為咁, 成日都會不其然揮動佢嘅小手…OMG!! 尋日真係勁尷尬~因為朋友抱佢, 悠悠B係咁揮拳出掌打人~~有時又會唔覺意…打左BB姐姐同BB弟弟…呀…真係超唔好意思…呢個兔仔波波真係要沒收先毛得…冇諗過會咁可怕…唔可以養性呢個習慣。

有時候, 小朋友同同輩相處, 大人先可以發現到有D咩問題存在。加上現今香港好多小朋友都係獨生子女, 所以更加有一D問題, 係平日生活上父母未必知道。當小朋友o係群體生活嘅時候大人先發現得到, 嗯! 呢一樣野真係一個學問,

而我覺得自組Play Group都係好好嘅,

1)   大人可以與朋友聯誼, 生活圈子本身就有, 無需再認識新嘅朋友

2)   固定嘅朋友圈子

3)   無需繳交高昂學費帶小朋友去食茶點、學玩遊戲(其實自己都做得到)

4)   減低BB去Playgroup後, 生病

5)   人數可以自己控制, 人少容易控制場面