電子奶咀確實係一樣好恐怖嘅電子玩意。由0歲到80歲都一樣, 可以手機中毒…目不轉睛地睇手機…街上總會遇到十分之九嘅人都係, 看著手機在走路。粗俗啲講, 旺角跌個招牌落黎都壓死廿件呢D人…亦因為自己眼見好多呢D走路唔專心嘅人, 所以我自己一直都拒絕做低頭族。
由未陀B嘅時候, 我已經有留意身邊很多有小朋友嘅家長。認識嘅, 不認識嘅我都會留意…但普遍就是見到同一個情況。小朋友總要定定地看著手機, 才肯靜靜地坐著。甚至, 只顧著看手機完全不會理會大人/進食! 而大人呢? 小朋友不停吵著叫父母, 但父母往往自掛住睇手機, 敷衍地回應小朋友嘅訴求。
睇到呢到, 我睇到一個冷冰冰的世界…人與人之間就因為一部手機/平板電腦, 就築了一幅冰冷嘅牆。 我認為人與人之間是需要交流、溝通的, 更何況是一家人呢。
所以, 我一直跟老公說, 對著和牛B要收起手機! 亦不要讓悠悠看手機…
雖然有這樣說, 但是, 中毒太深…老公仍然會沉醉於手機嘅遊戲世界…佢需要時間抽離…而我, 都會有玩手機嘅時候, 但係個頻率相對比老公少。但基於身教問題, 所以一定要嚴格執行!
另外, 有一樣野我就一定好堅持! 和牛B一定唔可以依賴手機, 就算有幾多所謂益智嘅遊戲apps/兒歌apps(連卡通)。遊戲我一定唔俾佢玩, 兒歌連MV嘅, 聽就得啦! 因為最近, 我都發現…和牛B好鍾意睇電視…亦有一次, 老公個大嫂好興奮地分享個兒歌MV app俾悠悠B睇…和牛B眼都唔眨一下!! 我即刻感覺到o個種嚴重性! 都即刻話俾大嫂知…俾和牛B聽就可以, 唔駛俾佢睇了…太可怕啦!!
我知道亦明白, 手機/平板電腦實在太方便。但, 亦因為太方便, 科技太發達, 使人與人之間的溝通方式在不斷退步。所以, 我唔想自己係其中一個冇溝通嘅冷漠的家。
遊戲方面, 我認為親子一齊玩樂, 或者DIY一d小遊戲, 其實已經好足夠! 一家大細一齊發揮生活小智慧, 比起玩手機玩到No.1更加有意義。
用電子奶咀作為安撫工具, 無疑真係極之方便。但係教育小朋友, 始終需要耐性, 愛心。不妨花點時間了解自己小朋友嘅需要, 其實得到嘅係無價寶。父母與子女之間嘅愛, 亦是幾多錢都買唔到。
現在對著扭計嘅和牛B, 我採取嘅方法都係不斷在嘗試。抱住坐唔得, 我唯有抱住企, 都唔得? 唯有俾佢試下自己企, 腳仔掂下地下, 或者再教佢坐, 轉下身, 唱歌下佢聽。係好攰同覺得點解搞極都仲發脾氣ga? 但當我搵到方法, 令佢定落黎, 同我玩同我笑, o個刻真係好有成功感架!
外出食飯嘅話, 扭計我就會隨手拎起身上有嘅物件, 嘗試安撫一下。
朋友成日都同我講, 咁好嘅~和牛B成日都笑~其實…和牛B一扭計喊起上黎都好野蠻好欠打架~~俾大家睇下啦~~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
留言列表
