close
和牛B三個月凌O個陣已經開如口腔探索期, 即係鍾意食手指, 乜都放入口…
所以O個陣我已經開始買咬牙膠俾佢~
而和牛B第一個咬牙膠係香蕉型嘅, O個時我仲以為阿女一定鍾意食蕉~
仲一買買左2個一模一樣嘅返黎....點知, 到而家都係唔太喜歡食蕉蕉牙膠...
仲可日桶到反胃~"RED"一聲添呀~
其實呢款蕉型牙膠嘅設計, 旁邊兩塊蕉皮都係恐防BB塞得太入...
但可能和牛B個口腔仲係好淺~所以仍然會桶到反胃
蕉蕉牙膠$59
後來, 貪得意嘅我, 又見到呢款好似奶咀型嘅咬牙膠~
其實...婆婆話和牛B一D都唔鍾意食奶咀, 都係鍾意私伙O個個奶咀多D(即係我心口O個對奶咀呀...)
所以...錢係愛黎"SIDE"嘅...一放入口已經推返出黎...
好彩好平, 廿幾蚊咋...
最近, 5個幾月, 超嚴重, 連椅套都要舔下....
又鍾意將呢個玩具不停放入口咬...見到咁, 真係好驚佢咬爛D牙肉...
起初我仲話平面呢D牙膠唔好咬...
但似乎, 和牛B比較適合呢D平面嘅咬牙膠, 所以我又去搵呢款牙膠買。
嗯! 今次呢個似乎買得O岩啦!!! $26抵玩~
總結: 所以話, 每個BB都好獨特, 最緊要個咬牙膠O岩咀型~唔係嘅話, 幾貴幾靚都係多餘~
--------------------------------------------------
歡迎聯絡我&和牛B: chungying56@hotmail.com
Facebook專頁: 和牛B嘅成長專頁
--------------------------------------------------
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
文章標籤
全站熱搜
留言列表
